O V Trofeo Internacional «Ferenc Szabó» reúne na Coruña a promesas e delegacións europeas de halterofilia
O Polideportivo Municipal dos Rosales acolleu hoxe a quinta edición do Trofeo Internacional «Ferenc Szabó» de halterofilia, nunha xornada dividida en dúas sesións que reuniu deportistas de base e delegacións de España e doutros países europeos.
Pola mañá disputouse o Critérium de Promesas Ferenc Szabó, coa participación de 50 dos mellores deportistas de base, distribuídos en catro categorías: sub-15 masculina, sub-15 feminina, sub-17 masculina e sub-17 feminina.
Pola tarde celebrouse o Trofeo Internacional Ferenc Szabó, na categoría sub-23, coa presenza de delegacións convidadas pola organización.
Nesta edición participaron Urbis (Biscaia), CDUS (Salamanca), CH Cambre, St Birinus (Gran Bretaña), Frankfurt (Alemaña), Parma (Italia), a selección de Malta, Soroksar (Budapest) e os equipos A e B do club organizador, o Club Halterofilia Coruña.
Clasificacións do Critérium de Promesas
Sub-15 masculina
- Samuel Leis — CH Coruña
- Kenet Rabanal — CH Coruña
- Lucas Obando — CH Coruña
Sub-17 masculina
- Franco Franco — CH Coruña
- Diego Martínez — CH Coruña
- Luis Álvarez — CH Coruña
Sub-15 feminina
- Flavia Kuffaty — CH Coruña
- Uxía Gerpe — CH Coruña
- Lucía Rodríguez — CH Coruña
Sub-17 feminina
- Inaya Carrillo — CH Coruña
- Yokeiri Rodríguez — CH Coruña
- Camino Coira — CH Coruña
Clasificacións do Trofeo Internacional
Masculina
- Tiago Larramendi — CH Coruña
- Seb Lawton — Gran Bretaña
- Lukestefan Micaleff — Malta
Feminina
- Eduarda Souza — CH Cambre
- Digna Silo — CH Coruña
- Ane Rodríguez — CH Cambre
Por equipos
- CH Cambre
- CH Coruña
- Frankfurt
A lesión de Ruth Fuentefria marcou a competición
A nota amarga da xornada foi a lesión no cóbado da coruñesa Ruth Fuentefria, sufrida durante o seu segundo intento na modalidade de arrancada. Este contratempo frustrou as opcións de vitoria do CH Coruña, que ata ese momento parecía ter o triunfo encamiñado.
