Campionato de España sub-15 de HALTEROFILIA
O Club Halterofilia Coruña subcampión masculino
Esta fin de semana as nosas novas promesas desprazáronse a Cullera (Valencia) onde no Pavillón Municipal se celebrou o Campionato de España sub-15.
A competición prolongouse durante toda a xornada do sábado desde as 09:00 da mañá ata as 21:00 horas.
Inscribíronse 105 deportistas, 67 femininas e 38 masculinos de todo o territorio nacional, unicamente os que nas fases previas estableceran as marcas mínimas vixentes para este campionato. O Club Halterofilia Coruña desprazou unha delegación formada por 7 levantadores, 2 femininas e 5 masculinos.
Estes foron os resultados e clasificacións dos nosos representantes nas modalidades de arrancada, dous tempos e total olímpico respectivamente:
| Categoría | Deportista | Arrancada (Clasif.) | Dous Tempos (Clasif.) | Total Olímpico (Clasif.) |
| Cat. 53 kgs | Uxía Gerpe | 36 (12) | 43 (13) | 79 (12) |
| Cat. 63 kgs | Judit Álvarez | 41 (8) | 51 (9) | 92 (8) |
| Cat. 52 kgs | Diego Martínez | 58 (Prata) | 72 (Prata) | 130 (Prata) |
| Cat. 56 kgs | Alessandro Hortet | 52 (5) | 60 (6) | 112 (6) |
| Cat. 60 kgs | Samuel Leis | 52 (6) | 72 (5) | 124 (6) |
| Cat. 65 KGS | David Novo | 52 (5) | 65 (5) | 117 (5) |
| Cat. 88 kgs | Rubén Valiña | 70 (Bronce) | 85 (Bronce) | 155 (Bronce) |
Exportar a Hojas de cálculo
En canto á clasificación por equipos, o CH Coruña masculino subiu ao segundo chanzo do podio. O campión foi a Escola Tinerfeña e o terceiro o Halteromad de Madrid.
