O CH Coruña, mellor club masculino e segundo feminino no Campionato de España Absoluto de Halterofilia
Irene Blanco proclámase tripla campioa de España e o club coruñés suma 14 medallas na Nucía
O Club Halterofilia Coruña volveu situarse entre os grandes referentes da halterofilia estatal tras a súa brillante actuación no Campionato de España Absoluto masculino e feminino de halterofilia, celebrado esta fin de semana no Pavillón Municipal da Muixara da Nucía, Alicante.
Na competición participaron un total de 159 levantadores, 75 homes e 84 mulleres, procedentes de todo o territorio nacional. Todos eles acadaran previamente as marcas mínimas esixidas para poder tomar parte nesta importante cita absoluta.
O CH Coruña estivo representado por unha delegación formada por 10 deportistas, 6 en categoría masculina e 4 en categoría feminina, conseguindo un balance extraordinario de 14 medallas.
Irene Blanco, tripla campioa de España en 86 kg
Unha das grandes protagonistas do campionato foi Irene Blanco, que dominou con autoridade a categoría de 86 quilos e se proclamou tripla campioa de España, ao conseguir as tres medallas de ouro en arrincada, dous tempos e total olímpico.
A levantadora coruñesa asinou unha actuación impecable con:
- 92 kg en arrincada, medalla de ouro.
- 115 kg en dous tempos, medalla de ouro.
- 207 kg en total olímpico, medalla de ouro.
Aos seus 24 anos, Irene Blanco continúa ampliando un palmarés excepcional, con seis anos consecutivos acadando títulos nacionais na máxima categoría individual.
Nesta mesma categoría de 86 kg, a súa compañeira Digna Silo completou o gran éxito do CH Coruña ao conseguir as tres medallas de prata, con 89 kg en arrincada, 111 kg en dous tempos e 200 kg no total olímpico.
Resultados do CH Coruña no Campionato de España Absoluto
Estes foron os resultados dos deportistas do CH Coruña, coas súas clasificacións en arrincada, dous tempos e total olímpico.
Categoría 65 kg masculina
Tiago Larramendi
106 kg en arrincada, medalla de prata.
134 kg en dous tempos, medalla de prata.
240 kg no total olímpico, medalla de prata.
Categoría 71 kg masculina
Diego Viera
106 kg en arrincada, 8.º posto.
125 kg en dous tempos, 7.º posto.
231 kg no total olímpico, 7.º posto.
Categoría 79 kg masculina
Ezequiel Granado
115 kg en arrincada, 11.º posto.
135 kg en dous tempos, 16.º posto.
250 kg no total olímpico, 14.º posto.
Categoría 94 kg masculina
Jacobo Montero
125 kg en arrincada, 8.º posto.
155 kg en dous tempos, 7.º posto.
280 kg no total olímpico, 7.º posto.
Martín Liste
146 kg en arrincada, medalla de bronce.
173 kg en dous tempos, medalla de prata.
319 kg no total olímpico, medalla de prata.
Daniel García
113 kg en arrincada, 12.º posto.
150 kg en dous tempos, 11.º posto.
263 kg no total olímpico, 12.º posto.
Categoría 48 kg feminina
Ruth Fuentefría
58 kg en arrincada, 5.º posto.
65 kg en dous tempos, 7.º posto.
123 kg no total olímpico, 7.º posto.
Categoría 63 kg feminina
Irene Martínez
82 kg en arrincada, medalla de prata.
96 kg en dous tempos, 5.º posto.
180 kg no total olímpico, medalla de bronce.
Categoría 86 kg feminina
Digna Silo
89 kg en arrincada, medalla de prata.
111 kg en dous tempos, medalla de prata.
200 kg no total olímpico, medalla de prata.
Irene Blanco
92 kg en arrincada, medalla de ouro.
115 kg en dous tempos, medalla de ouro.
207 kg no total olímpico, medalla de ouro.
O CH Coruña, campión masculino e subcampión feminino por clubs
Ademais dos éxitos individuais, o Club Halterofilia Coruña conseguiu un resultado histórico na clasificación por clubs do Campionato de España Absoluto.
O equipo masculino do CH Coruña proclamouse campión de España por clubs, por diante do club andaluz Halterejido e de HalteroMad, de Madrid.
Pola súa banda, o equipo feminino acadou o subcampionato nacional por clubs, só por detrás do conxunto catalán Molins de Rei. A terceira posición foi para Fuerza Aries, de Castela-A Mancha.
Con estes resultados, o CH Coruña confirma a súa posición como un dos clubs máis destacados da halterofilia española, tanto en categoría masculina como feminina, e reforza o excelente momento deportivo dos seus levantadores na elite nacional.
