O Club Halterofilia Coruña conquista 12 medallas e o subcampionato feminino por equipos no Nacional Júnior

O club coruñés sumou seis ouros, tres pratas e tres bronces no Campionato de España Júnior de Halterofilia, disputado en Ourense. O equipo feminino rematou segundo e o masculino acadou a cuarta posición.

Os deportistas sub-20 do Club Halterofilia Coruña desprazáronse esta fin de semana a Ourense para participar no Campionato de España Júnior de Halterofilia, celebrado durante a xornada do sábado no pavillón municipal dos Remedios.

A competición contou con 146 deportistas inscritos de todo o territorio nacional, clasificados tras acadar nas fases previas as marcas mínimas esixidas. O club coruñés estivo representado por nove levantadores: cinco mulleres e catro homes.

Paula Canedo, na categoría de 86 kg, e Digna Silo, en máis de 86 kg, protagonizaron os resultados máis destacados ao conquistar cadansúas tres medallas de ouro: en arrancada, dous tempos e total olímpico.

Na categoría de máis de 86 kg, Johana Osayande conseguiu tres medallas de prata. Completaron o medalleiro Yokeiry Rodríguez, con dous bronces en 77 kg —arrancada e total olímpico—, e Ezequiel Granado, cun bronce en dous tempos na categoría de 75 kg.

Resultados do Club Halterofilia Coruña

CategoríaDeportistaArrancadaDous temposTotal olímpico
75 kgEzequiel Granado110 kg · 4.º131 kg · Bronce241 kg · 4.º
85 kgIker Barreto92 kg · 11.º125 kg · 8.º217 kg · 10.º
110 kgDaniel Rey117 kg · 5.º135 kg · 6.º252 kg · 6.º
110 kgDaniel García115 kg · 6.º151 kg · 4.º266 kg · 5.º
61 kgLeticia Cuns60 kg · 10.ª77 kg · 8.ª137 kg · 9.ª
77 kgYokeiry Rodríguez68 kg · Bronce84 kg · 4.ª152 kg · Bronce
86 kgPaula Canedo82 kg · Ouro105 kg · Ouro187 kg · Ouro
+86 kgJohana Osayande68 kg · Prata86 kg · Prata154 kg · Prata
+86 kgDigna Silo91 kg · Ouro111 kg · Ouro202 kg · Ouro

Na clasificación por equipos, o conxunto feminino proclamouse subcampión de España, mentres que o equipo masculino rematou na cuarta posición. Un balance que completa as doce medallas individuais conseguidas pola delegación coruñesa.

Publicacións similares