Irene Martínez, sexta clasificada en Arrancada no Campionato de Europa Absoluto.
Esta semana celebran as competicións en Ereván, Armenia, do Campionato de Europa Absoluto de Halterofilia, clasificatoria para os JJ.OO. de París 2024.
Hoxe, entre as 23 participantes da categoría de peso corporal de 59 quilos, actuou a deportista coruñesa Irene Martínez Santiago.
Na súa modalidade máis forte, a de Arrancada conseguiu realizar dous intentos válidos dos tres dispoñibles e os 90 quilos levantados – a tan só 1 quilo do seu mellor rexistro nesta categoría – clasificárona no sexto posto do concurso.
Na modalidade de dous tempos, a súa modalidade menos competente, apostou forte e comezou con 105, a tan só 2 quilos da súa marca persoal.
Realizouno con facilidade, pero logo non a acompañou a sorte nos seus dous intentos seguintes con 108 quilos que supuña récord de España no total olímpico.
As clasificacións finais de Irene foron:
Arrancada 6.
Dous Tempos 11.
Total Olímpico 9.
