COPA SOROKSAR DE HALTEROFILIA
Budapest, a capital de Hungría, acolleu o sábado 5 de abril a XXVI edición do tradicional Trofeo Internacional Copa Soroksar de Halterofilia.
Esta vez participaron equipos de 15 países, entre eles unha delegación do Club Halterofilia Coruña, formada por 4 deportistas (dous homes e dúas mulleres). Os nosos representantes foron considerados aspirantes ao triunfo e non nos defraudaron.
Paula Canedo, de 18 anos e competindo na categoría júnior, non só gañou na súa categoría de idade, senón que conseguiu a mellor marca feminina de todo o campionato.
Resultados dos nosos deportistas:
Categoría masculina júnior:
- Darío Barros (CH Coruña): subcampión con 293 puntos Sinclair.
- Santiago Guerrero (CH Coruña): medalla de bronce con 284 puntos.
Categoría feminina júnior:
- Paula Canedo (CH Coruña): campioa con 216 pts (mellor marca feminina do campionato).
- Carol Abeleira: terceira clasificada con 171 puntos.
As marcas de Paula foron:
- 82 kg en arrancada.
- 102 kg en dous tempos.
- Total olímpico: 184 kg (cun peso corporal de 76,8 kg).
