🏋️ Campionato de España Júnior de Halterofilia
12 medallas (5 de ouro) para o Club Halterofilia Coruña
Esta fin de semana os deportistas sub20 do Club Halterofilia Coruña desprazáronse a Zarautz (Euskadi) onde no pavillón municipal Araba Kalea se disputou o Campionato de España Júnior. A competición realizouse durante toda a xornada do sábado e pola mañá do domingo. Inscribíronse 151 deportistas, 82 femininas e 69 masculinos, de todo o territorio nacional, unicamente os que nas fases previas estableceran as marcas mínimas fixadas para este campionato. O noso club desprazou unha delegación formada por 9 levantadores, 2 femininas e 7 masculinos. Estes foron os resultados e clasificacións dos nosos representantes nas modalidades de arrancada, dous tempos e total olímpico respectivamente:
🏆 Campionato de España Júnior Masculino
| Categoría | Deportista | Arrancada | Dous Tempos | Total Olímpico |
| 65 kgs | Tiago Larramendi | 109 (ouro) | 130 (prata) | 239 (ouro) |
| 65 kgs | Darío Barros | 97 (4) | 115 (4) | 212 (4) |
| 79 kgs | Carlos Roibal | 100 (11) | 115 (14) | 215 (10) |
| 79 kgs | Iker Barreto | 92 (15) | 115 (13) | 207 (14) |
| 79 kgs | Ezequiel Granado | 108 (6) | 130 (7) | 238 (6) |
| 94 kgs | Daniel Rey | 112 (4) | 131 (4) | 243 (4) |
| 110 kgs | Daniel García | 117 (bronce) | 145 (prata) | 262 (bronce) |
🥇 Campionato de España Júnior Feminino
| Categoría | Deportista | Arrancada | Dous Tempos | Total Olímpico |
| 77 kgs | Paula Canedo | 80 (bronce) | 100 (bronce) | 180 (bronce) |
| 86 kgs | Digna Silo | 90 (ouro) | 105 (ouro) | 195 (ouro) |
Tiago Larramendi, despois do subcampionato do ano 2024, conseguiu o título nacional júnior e Digna Silo, con 17 anos, defendeu o seu título na categoría que vai ata os 20 anos.
